回家…

今日，終於過 0左叫做ok正常 0既一日。

朝早六點幾起身，一出門口就走去富亨收補習數~ 算啦，雖然呢單補習我蝕 0左好多俾補習社，但諗真d，個學生又唔好補，教佢又激氣，時間又唔good (星期六日9:00-10:30，又早又撞 0左我Sunday返崇拜~ )…conclusion，死不足惜，反正舊 0既唔去，新 0既唔 0黎，so forget it！！而家小二妹妹改 0左星期六10:30，可以重新arrange過我個working schedule~~ 當務之急係要搵一份新 0既part-time~~！！否則我Christmas + Annual Dinner唔知點算~ 收完數，就返 0左教會，今日係青年主日~ 有三個星期冇返教會喇，崇拜更加係闊別多月~ 今日 0既崇拜主題係「回到神的家」，我自己真係有返到屋企 0既感覺，好舒服~ 我諗我地教會屬於中型，可以好熱鬧，但又唔會有大得太疏離 0既感覺~ ^^ 決定 0左以後要勤力d，抽多d時間返崇拜至得~ heehee~ ^^

(好期待教會出年 0既summer camp呀~~ 去上癒~ By the way，有冇人想join埋一齊去呀？遲ｄ再賣廣告~ )

完 0左崇拜之後，勁艱巨咁用潔而亮清理場地，然後四個人就去 0左新街市食豬扒麵~ 味道ok啦，不過係自己剛剛先喉嚨痛好返，又去食ok熱氣 0既 0野，有d衰咁~ 之後去 0左大埔中心行 0左一陣 (而家「行街」係我一件好奢侈 0既事…)，但都係睇唔 0岩d衫…極有機Speech Day我都係頹揀幾件衫返去就算…

夜晚返去中大開會(我剛剛位於碧秋，現時身處胡拉~)，見仲有時間(我7:30p.m.開會，6:30p.m. UC Can食飯，但我5:15p.m.已經上到本部~) 一入到碧秋，剛剛瞄到地下 0既陽光汽水機個「win」掣閃 0下閃 0下，手多多 press it on，就跌 0左罐spicy 雪碧俾我~ 勁lucky~~嘻嘻~~^^

(說時遲那時快，而家已經係補記 0既日記~)

去 0左UC Can食飯，今次d水準就一般~ 糖水又係加 0左馬蹄 0既腐竹白果糖水~ good~ 一解相思之苦~ 之後就去志文開會，11:00p.m. 後又transit 去紫霞大廳繼續準備pre-pre咨莊~ 開到凌晨一點(exhausted…)，and then 我 0地四個女仔 + Kenneth就半夜三更上演一幕「夜行MMW」…不過途中 0係知行對出望上天，非常清楚地見到好多星星，真係好靚~ 好想去睇星呀~ (逸天快d搞活動啦~) 之後我 0地又經UC行去Shaw，去到UC Can對出竟然見到幾隻小強遊街~~ 中大~ 凌晨一點，又黑又靜…咩奇怪事都會發生……

回家，就是讓遠行的人有氣力走更遠的路吧。