The Best Choice

新的一周，可以有新的開始，所以這個星期會用廣東話寫日記。（其實就是沒有關係~ 藉口一個~ heehee…看不懂，或是不好看再告訴我吧~）

28 Oct，朝早9:30去clinic 洗牙，史無前例的痛！！醫生全程只須十分鐘，期間不斷用儀器大力插入牙肉~ 自問ｄ牙一向唔需要咁大工程，洗完之後，仲流左好多牙血…從來睇牙未試過咁痛 + 咁多牙血…嗚嗚… ><

29 Oct，今次Speaker series 0既guest勁正，有content又interesting，搞到我都想去Outback Grill 食飯~ 晏晝書通終於上左有意義0既一堂，可以真正feel下何謂「行萬里識中國」~ 因為轉左一個UC 0既professor，佢一開始講書0個陣，就已經即刻feel到有料喇~ 所以話料子問題呃唔到人~！

30 Oct，中大O’Day，要做HMG student helper，一點幾返到中大，想去呃個紙袋，但望望自己身上0既suit外套…話自己係中學生都有點兒厚顏無恥…算罷啦，上碧秋check Email~ 兩點左右就去換埋suit 裙 + 高跟鞋，快步走去MMW~ 一埋位就即刻有人問問題，我都唔知自己答左乜~ 唔經唔覺做完自己個time slot都未想走，OT到五點幾，就要去幫手執檯reset場地~ 做到六點幾，散左一半~ 但好開心，見到咁多預科生，好似見到以前0既自己咁~ ^^

31 Oct萬聖節，影莊相大日子，清晨6:30起身，8:10就著住莊suit到富亨補習，十點幾直趕返中大~ 化完妝後於烈日當空下影相，咩都溶晒~去左烽火台、羅馬廣場、MMW天台取景，當然唔少得中大標誌——煲底（科學館）~ 最後去有super 無敵大海景0既知行樓lobby + TV room影個人照~ 期間我已經頂唔順，一度需要0係TV room小睡十多分鐘… Extremely tired…

1 Nov，今朝六點幾起身，一直到八點幾我都係唔清醒，要去太和買Airwave之後先至真正醒左~ so我今日成個人又係勁tired…早堂tutorial presentation，算係勉強胡混過去啦~ Lunch Time去左文化廣場，SoHo Fiesta相當熱鬧，見到咁多HMG 0係一齊，感覺好好~ 但到上Accounting…感覺就唔多好啦…Anyway，呢科我一定會好好讀~

生活已經唔知道可以點形容，busy，busy and busy。所以嘛~ 很多時候日記已不知從何寫起。。>< 記事簿每日寫得密密麻麻，異常充實……有時候，想擁有一ｄ屬於自己，完全放鬆既時間，that means，I have to give up something…

但有ｄ咩係我可以放棄既呢？
書，一定要讀，雖然我成日偷懶…
SoHo？咪玩啦~ 不可能的事~！
Cell group？我覺得呢樣係大學生活中，可以為神去做既事，亦係我屬靈成長既一個學習好機會，so自然唔想放棄~
補習？有因才有果，冇補習，我唔知道可以點生活落去。

換言之，0係我而家既生活中，係冇野可以放棄…！唉…呢個timing，我覺得自己係用精神體力去換唔同既體驗~ Is it correct？唔知道…我只知道，神准許一件事0係我地身上發生，無論我地覺得係好定壞，神都一定有佢自己既旨意——每一件事，都係神俾我地既功課；每一個決定，都係神為我地最好既安排。

大家都要加油！