久違之後…

唉，今個星期忙到想死，星期三考Accounting mid-term之前，過馬路0個陣，我企0係路中心，「你車死我罷啦~ 唔想考~」…成為我成個星期，no，係未來半個月0既main theme……
(放心，中大馬路好少車來車往 0既~ 算係ok安全~)

好啦，簡單匯報下…

星期六，去0左同小二妹妹補習；麻煩各位，可唔可以話我知「如何提高孩子學習英文之興趣？」超難…

星期日，整0左成日cookie + 夜晚返中大練beat + 屈蛇…708愈來愈多我0既 0野…真係… Yet by the way，MMW天台0既看台睇星真係好正，不愧係___ ___熱門去處~

星期一，勁多0野做~ 放學後傾Econ. pro，跟住上MMW天台練詩歌 and then 練beat，跟住20：00碌落太古堂睇大通電影《The 7th Seal》，然後仲要發現搞開學飯方面有d問題阻住0左…

星期二，組聚(^^)，and then去搵Pro. Roy approve project topic，多番折騰下，終於有定案~ 對Pro. Roy真係又愛又恨，佢真係harsh得可以，但奈何佢好多時都有道理… 我冇辦法disagree… 註定輸俾佢…

星期三，我自己第一日正式開始SoHo 0既宣傳期，除左dem beat少少錯0左幾次之外，大致上都ok~ 對住班year 2 dem beat 0既感覺最好~ 可能因為知道大家都係HMG卦~ 而我0既Accounting Mid-Term… 炒得乾乾淨淨… 灰晒…
放學dem完beat，過二宿擺袋換衫後又到志文練詩歌，跟住開會，到00：00散會後行返二宿( 冇錯，又屈蛇 )，跟住仲要撞正打蛇！！好彩宿生會冇入房查…大難不死，逃過一劫…
由朝到晚冇得食飯 (我都知係壞習慣)… 7點鐘至拎住個飯盒，起初有d胃痛… 12個鐘冇食0野… 我可以忙到，約個同學仔食tea都要勁arrange個schedule~ 無奈……

星期四，上完大通後少少渣攤咁派 0左半堂傳單，買埋份coffee con.茄蛋治 (favourite~)上0左碧秋print 歌詞，遲 0左上Econ.堂，但行去上堂 0既路程，我同Kenneth可以慢慢去研究飲唔飲Coke，然後於碧秋地下同阿達佢地傾閒偈 + 食埋我半份三文治，再用悠閒0既腳步踱向MMW，途中仲同Joyce + Tiko + Cherry打招呼~ 遲Econ.係令我地一d罪疚感都冇…

5-7pm 詩歌讚美會，關於呢個，好多0野想講又唔知點講… 準備過程固然要頗多時間，付出0左幾多其實冇咩所謂，因為都係為神而做0既事，我唔係好mind~ 但感覺好深0既係星期一傍晚MMW天台練歌，當天台未開燈而我 + Kenneth + Tina 又要睇歌譜，最後大家拎晒手提電話當電筒用，而期間我仲因為黑得滯，睇唔清楚樓梯而跌 0左一下，搞到而家膝頭瘀 0左( so that tomorrow’s speaker series 冇得著裙，唔開心><)… 期間Kenneth講 0左一句：「只不過想做事奉je，做乜搞到咁淒涼呀…?」0個一刻先覺得自己都ok狼狽… 但正因為咁，我更覺得呢個詩歌讚美會得來不易，雖然當中我可以幫到手 0既唔多，但我絕對proud of it！唔知點表達呢個feeling，但我諗我會好珍惜每次cell group 0既時間，因為每一次都係大家花好多心機去準備0既結晶~

仲有d 0野想講，不過…凌晨2：30喇，聽日先啦…