狂風雷暴

因為村屋setting，一向當雷暴 0既時候，我就唔可以上網，免生意外…所以一旦行雷，所有上網要做 0既事就要以9秒9極速完成。

凌晨兩點幾，狂風雷暴，如此急趕之際，我仲特登再去log in CUHK Webmail，睇多最後一次之前intern 封notice mail，然後delete 0左佢。

我承認，我今次ok小器。

經過呢幾日，同咁多人講過呢件事，情緒相比星期五已經calm down 0左好多，但現在係…internship整件事令我感覺唔係咁舒服。
搵到一個形容詞，叫「沮喪」。

Kenneth話︰「神 0既安排有邊一次係唔好 0丫？次次都係好 0野 0黎~」我知道，已經唔係第一次，每次神最後 0既安排都唔會令我失望，甚至超出我所想所求……理性上知道如此，但感情上始終未可以百分百接受到…神俾我 0既功課，始終都未學曉…

令人唔開心 0既事，最近又好似累積得比較多。

自問由細到大，大致上都唔係一個任性 0既人，往往唔識為自己去爭取…
直到今次，好不容易地決定自私任性一次 0既時候，到最後仍然做唔到。
係因為一開始已經錯 0左？

愈來愈唔相信「知其不可為而為之」 0既可行性。
我會鼓勵其他人咁做，但佢 0係我生命中發生的可能性不大。
所以，有時候唔可以怪我對自己 0既事太被動…因為我自己都唔太相信做得到…
忽然間，變得有點蝸牛心態。

我都覺得呢種情緒好annoying，但自己都控制唔到。

惟有歸咎於天氣…最近天氣太差啦。
諗起有人話我︰「天氣小姐咁…我真係怕你天氣再差d的話會喊」
嗯…我都怕。