悠悠的…

考完試，莊務 (好似) 又未咁快正式開始，internship 又未去 interview，中同又個個考試中，玩又當然唔玩得咁多……

生活忽然間，變得單一…

基本上，差不多每日都有補習，外加少少行街等 so called「娛樂」。

手頭上仲有ok多 0野做，但又唔太知自己忙緊乜。


今日，4pm 補完習後有 time gap，去 0左大埔墟體育館睇HMG guys 打籃球。。。
足球就… 但個人認為HMG 0既籃球算得上幾好睇的~
(途中不斷clear d 電話債，有dd擔心今個月又爆分鐘…要mark sponsor呀…)

中場休息，Kenneth話︰「可能過 0左今次，可能以後HMG都唔會約打波 lu…冇人搞」
都係 0架，以目前形勢睇，搞唱K 0既機會比進行呢d康樂文娛活動 0既 probability，至少高出幾倍。(我想去行山郊遊… > <)

懷住想打squash 0既心情 (！) 離開體育館轉去第二場補習，7:45pm 落堂，去 0左大埔中心搵Lillian… 行 0左兩個圈，(終於) 睇中 0左一件Polo Shirt + 縮骨遮~ 食個牛肉飯，兜多個圈，去埋Rainbow食糖水，一日節目正式落幕。

簡單的生活，甚至有點「風雨前夕的平靜」之感~ 同朋友食飯傾偈，說說笑笑，閒逛一下，生活忽然地簡單得有點優哉悠哉。一直嚮往的，不正是如此？


從來不求富貴顯達，有隨心的日子，有愛我和我愛的家人及朋友，已經足夠。






P.S. 有d擔心我部電腦… 怕佢負荷唔到咁多 software…
但又想等入宿先砌機… 徨恐矛盾中… > <