久別重逢

好耐好耐都冇寫日記啦…

太忙，當我訓覺都冇時間，每晚對住電腦都會釣魚既時候，可以生存到而家，都算係咁。
(但當中…「藉口」成分有幾多？)

最近suffer緊一個大問題，就係我不斷懶床，甚至聽唔到鬧鐘響，搞到成日遲 0左起身，咩都做唔到…都唔知係因為我太疲憊不堪，抑或警覺性太低，依賴感太強…… >< 目前為止，暫時手機鬧鐘仲可以勉強頂住先，但我又唔想24小時不斷地開住部機…所以出糧/ 出grant loan後第一件要做 0既事，一定要去買鬧鐘…

三月，又係一個忙到不似人形的日子，每星期得一晚可以返屋企食飯，差不多每日都要返中大…所以話，當我決定Year 2住宿 0既時候，好多人問我「咁你屋企搞得掂啦？」，但我而家身為走讀，除 0左訓覺之外，我同宿生真係差無幾…自私一次，原諒我。

十八號係SoHo送舊，晏晝去 0左CC牟拉同阿旋影相，咁 0岩又撞到Jeff；然後上左去NA & UC準備送舊~ 搬晒ｄ物資到聚賢軒前面等交場，坐 0係湯石出面吹吹風，成班人同Noriko傾偈，感覺…忽然間悠閒 0左，好舒服~~ 前一日都有同Cris 0係UC「光輝聯合人」郊遊曬太陽，難得的放鬆…咩都唔諗，坐草地，曬曬太陽，好似忽然離開 0左本身 0既生活~

幾時先可以真正有咁 0既一日？