Shaw Can 復活！

本來應該係星期三寫 0既日記，拖到今日… 但為 0左Shaw Can.，點都要寫~

星期三~ 8:30 普通話考筆試，我 0係半昏迷 0既情況下做完，之後因為Accounting冇堂，本來打算上708做Stat. 功課，點知最後…目訓 0左半個鐘…之後就落去Shaw Can. 食飯，因為最近傳言Shaw 轉 0左chef，好食 0左好多~ 去到食 0左個乾炒肉片河 + 熱咖啡，非常入得口呀~ 蜜桃雞粒炒飯亦ok~ 各位中大 0既同學仔，得閒記得去試試~ (廣告時間~~！！)

可能因為咖啡因 0既關係，之後成個下晝都處於亢奮狀態，去到BA Lab，首先係一時口快，懶醒咁叫個Year 2去讀1010…(都怪我講《上邪》講得太投入喇…一時load唔到…但試問我有邊一日個腦係完全load得到呢……) 跟住上到二樓，成班人圍埋梳化傾偈，俾陳Roy好大聲話：「喂Tammy，你情人慶琦呀~」我呆 0左兩秒(hang機又一例證)~ 我重申，buy慶琦 0既唔止我一個啦~ 雖然我而家已經放棄 0左佢…我同佢溝通唔到……> < 但唔知點解呢，可能係因為BA Lab 0既decor，又可能係因為外面0既光線配合得太好，成班人坐埋一齊傾偈講笑，感覺好舒服自在~ 好喜歡呢種氣氛~ ^^ 最後一堂1010，Prof. Roy講 0左d 感性 0既 0野，雖然字裡行間流露出佢ok 自信 / 自大（！），但我由此至終不能否認，佢係個好老師……呢堂佢仲奇蹟地早放我 0地~~~ 結果3點幾就放學，可以返到太和行商務，獎勵獎勵自己~

美中不足係，我返屋企途中又頭痛… ><



p.s. 交代一下，慶琦係我Stat. Professor~各位中同可以冷靜~